शिक्षा मन्त्रालयले एसईईका विद्यार्थीलाई ‘करियर काउन्सिल’ गराउने
काठमाडौं । शिक्षा, विज्ञान तथा प्रविधि मन्त्रालयले माध्यमिक शिक्षा परीक्षा (एसईई) का विद्यार्थीलाई ‘करियर काउन्सिलिङ कोचिङ’ गराउने भएको छ ।
शिक्षा मन्त्री सुमना श्रेष्ठले विश्वविद्यालय अनुदान आयोगसँगको सहकार्यमा ‘करियर काउन्सिलिङ कोचिङ’ दिने तयारी भएको जानकारी दिइन ।
शुक्रवार मन्त्रालयमा आयोजित पत्रकार सम्मेलनमा उनले सो कुरा बताएकी हुन ।
उनले भनिन, ‘कक्षा ११, १२ मा जे पढ्यो त्यही लाइनमा मात्रै जान पाइन्छ अथवा के गर्न सकिन्छ ? त्यो भन्दा फरक के अध्ययन गर्दा सहज हुन्छ । भनेर विद्यार्थीलाई परामर्श दिने तयारी भइरहेको छ ।’
विश्वविद्यालयको सम्बन्धित आंगिक क्याम्पसहरूको जनशक्ति परिचालन गरेर विद्यार्थीलाई ‘करियर काउन्सिलिङ कोचिङ’ दिइने मन्त्री श्रेष्ठले बताइन ।
मन्त्री श्रेष्ठले शिक्षा क्षेत्रमा गरिएको लगानीको उपलब्धीलाई पर्याप्त मान्न नसकिने उनले भनिन ।
उपलब्धीमूलक बनाउनको लागि सबै किसिमको प्रक्रिया सुधार गर्दै जानुपर्ने मन्त्री श्रेष्ठले बताइन ।
Categorized in राष्ट्रिय
