काठमाडौँ । नेपाल बचत तथा ऋण केन्द्रीय सहकारी संघ लि (नेफ्स्कून) ले राजधानीमा जेठ २४ र २५ गते सहकारी संस्थाहरुको शिखर सम्मेलन गर्ने मंगलबार पत्रकार सम्मेलन गरी जानकारी गराएको छ ।
कृषि, भूमि व्यवस्था तथा सहकारी मन्त्रालयको सहयोगमा नेफ्स्कूनले सो सम्मेलन आयोजना गर्न लागेको हो । सम्मेलनमा देशभरका ६२० सहकारीकर्मीको सहभागिता हुने आयोजकले पत्रकार सम्मेलनमा बताएको छ ।
नेफ्स्कूनमा हाल तीन हजार १०० बचत संस्था आबद्ध छन् । करिब दुई हजार २०० संस्थाले नेफ्स्कूनमा बुझाएको वित्तीय विवरणअनुसर झण्डै रु ३ खर्बभन्दा बढी रकम बचत छ ।
सो पत्रकार सम्मेलनमा कार्यक्रम संयोजक परितोष पौडेलले सहकारी संस्था (साकोस) को स्थिरीकरण, कोष कार्यान्वयन, समुदायको वित्तीय समावेशीकरणमार्फत जनताको जीवनस्तरमा कसरी परिवर्तन ल्याउने भन्ने उद्देश्यले सम्मेलनको अयोजना गरेको जानकारी दिएका छन् ।
निेफ्स्कून एशियाली ऋण महासंघ र विश्व ऋण परिषद्को सदस्य संस्था पनि हो ।
यसअघि पहिलो सम्मेलन २०६८ र दोस्रो २०७१ सालमा भएको थियो ।
Categorized in सहकारी