काठमाडौं । नेपाली कांग्रेसका महामन्त्री तथा सांसद गगन थापाले ‘संवाद यात्रा’ जारी राख्ने भएका छ ।
चैत्र १५ गतेबाट यस अघि गत माघ २३ मा नवलपरासीको गोपीगञ्जमा स्थगित भएको यात्रा सोही स्थानबाट संवाद यात्रा पुनः सुरु गरिने भएको छ ।
संवादयात्रा नवलपरासी हुँदै रुपन्देही, कपिलवस्तु, दाङ र बाँकेमा संवाद यात्रा गरिने भएको हो । १८ गते संसद बैठक भएकाले संवाद यात्रा १७ गतेसम्म हुने गरी कार्यतालिका बनाइएको छ ।
१३ माघबाट झापाबाट सुरु भएको संवाद यात्रा कांग्रेस केन्द्रीय सदस्य केशवकुमार बुढाथोकीको निधन पछि स्थगित गरिएको थियो ।
स्थगित हुनु अघि १३ जिल्लामा महामन्त्री थापाले संवाद यात्रा गरेका थिए ।
खुला र समूहगत छलफल, निर्दिष्ट भेटघाट, सेवा प्रवाहको अवस्था, अवलोकन भ्रमण लगायत माध्यमबाट नागरिकसँग संवाद गर्ने गरी पार्टीले ‘समुदायमा कांग्रेस’ अभियान सुरु गरेको थियो ।
Categorized in राष्ट्रिय