कांग्रेसले उम्मेदवार टुंगो लगायो
काठमाडौं । नेपाली कांग्रेसले इलाम क्षेत्र नम्बर २ का उपनिर्वाचनको लागि उम्मेदवार टुंगाएको छ ।
इलाम क्षेत्र नम्बर २ मा डम्बरबहादुर खड्कालाई उम्मेदवार बनाउने निर्णय गरेको हो ।
इलाम २ मा उम्मेदवार सिफारिस भएकाहरूसँग बिहीबार बिहान सभापति देउवालगायत पदाधिकारीले निवास बूढानीलकण्ठमा छलफल गरेका थिए ।
खड्का इलाम कांग्रेस सभापति हुन । उनी २०७९ को चुनावमा नेकपा (एमाले) का उम्मेदवार सुवासचन्द्र नेम्वाङसँग पराजित भएका थिए ।
त्यसैगरी, बझाङ क्षेत्र नम्बर १ को प्रदेश सभा क्षेत्र १ मा अभिषेक सिंहलाई उम्मेदवार बनाउने लगभग सहमति भएको छ ।
यस अघि अभिषेकका बुवा पृथ्वीबहादुर सिंहले २०७९ मंसिरमा भएको प्रदेश सभा चुनाव जितेका थिए ।
सुदूरपश्चिम प्रदेश सरकारका तत्कालीन कानून मन्त्रीसमेत रहेका सिंहको गत असार ५ गते सवारी दुर्घटनामा परेर निधन भएको थियो ।
२०८१ वैशाख १५ गते हुने उपनिर्वाचनका लागि चैत २४ गते उम्मेदवारको मनोनयन दर्ता गर्ने तालिका छ ।
इलाम २ मा नेकपा एमालेले सुवास नेम्बाङका छोरा सुहाङलाई उम्मेदवार बनाएका छन भने राष्ट्रिय स्वतन्त्र पार्टी (रास्वपा)का मिलन लिम्बुलाई उठाएका छन ।
Categorized in राष्ट्रिय
