एमालेले उपनिर्वाचनका उम्मेदारहरु टुंगो लगायो, इलाम–२ बाट सुहाङ
काठमाडौं । नेकपा एमाले बैशाख १५ गते हुन गईरहेको उपनिर्वाचनको उम्मेदवार टुंगो लगाएको छ ।
आइतवार बसेको पार्टीको सचिवालय बैठकले इलाम क्षेत्र नं. २ बाट सुहाङ नेम्बाङलाई उम्मेदवार चयन गरेको छ ।
सुहाङ एमालेका उपाध्यक्ष तथा पूर्व सभामुख स्व. सुवास नेम्बाङका छोरा हुन । नेम्वाङको भदौ २५ गते निधन भएपछि त्यहाँ उपनिर्वाचन हुन लागेको हो ।
४ मंसिर २०७९ को आम निर्वाचनमा सुवास नेम्बाङले सो क्षेत्रबाट जितेका थिए ।
त्यसैगरी, बैठकले बझाङ क्षेत्र नं. १ को प्रदेशसभा निर्वाचनका लागि नेकपा एमालेबाट दमनबहादुर भण्डारी उम्मेदवार बनाउने निर्णय गरेको हो ।
एमालेका बझाङ जिल्ला अध्यक्ष भण्डारीलाई उम्मेदवार चयन गरेको पार्टी उपमहासचिव प्रदीप ज्ञवालीले जानकारी दिए ।
बझाङ १ बाट सुदूरपश्चिम प्रदेशसभामा निर्वाचित नेपाली कांग्रेसका नेता पृथ्वीबहादुर सिंहको गत ५ असारमा निधन भएपछि त्यहाँ उपनिर्वाचन हुन लागेको हो ।
Categorized in राष्ट्रिय
